ՀՀ Քաղաքացիական օրենսգրքի 606–րդ հոդվածի համաձայն վարձակալության պայմանագրով վարձատուն պարտավորվում է վճարի դիմաց վարձակալի ժամանակավոր տիրապետմանը և (կամ) օգտագործմանը հանձնել գույք:
Նույն օրենսգրքի 610–րդ հոդվածով ամրագրված են այն երկու պայմանները, որոնք պարտադիր կերպով ենթակա են պահպանման վարձակալության պայմանագիր կնքելիս։
Դրանք են`
Վարձակալության պայմանագիրը կնքվում է գրավոր:
Անշարժ գույքի վարձակալության պայմանագիրը ենթակա է նոտարական վավերացման:
Ծանոթություն։ ՀՀ քաղաքացիական օրենսգրքի 305–րդ հոդվածի համաձայն օրենքի կամ այլ իրավական ակտերի պահանջներին չհամապատասխանող գործարքն անվավեր է, եթե օրենքը չի սահմանում, որ նման գործարքն առոչինչ է կամ չի նախատեսում խախտման այլ հետևանքներ: