Վարչապետ Կարեն Կարապետյանի գլխավորությամբ կառավարությունում տեղի է ունեցել Տեսչական բարեփոխումների համակարգման խորհրդի հերթական նիստը:
Կառավարությունից հայտնում են, որ օրակարգային առաջին հարցով խորհրդին են ներկայացվել 2009-ից 2016 թվականների ընթացքում Տեսչական բարեփոխումների ուղղությամբ կատարված աշխատանքներն ու ընթացիկ միջոցառումերը: Այնուհետև խորհուրդը քննարկել և հավանություն է տվել ՀՀ գյուղատնտեսության նախարարության Գյուղատնտեսական տեխնիկայի պետական տեսչության լուծարման մասին հարցին, ինչպես նաև տեսչության գործառույթների վերաբաշխմանը:
Օրակարգային հաջորդ հարցով փոփոխություն է կատարվել ՀՀ էկոնոմիկայի նախարարության Շուկայի վերահսկողության տեսչական մարմնի կանոնադրությունում՝ կապված նախարարության անվանափոխության հետ:
Իրավաբան.net