Վարչական իրավախախտումների մասին օրենսգրքում 123․3 հոդվածում պարզաբանվում է տրանսպորտային միջոցներից ապահով չօգտվելու տուգանքների մասին։ Այսինքն եթե օրինակ չկոճկեք ձեր սաղավարտը, կամ ձեր ուղեկցին փոխադրեք առանց սաղավարտի, կարող եք տուգանվել։ Հոդված 123․3-ում նշվում է․
Օրենքով նախատեսված դեպքերում տրանսպորտային միջոցների անվտանգության գոտիները չամրակապած կամ սաղավարտը չկոճկած վիճակում կամ առանց սաղավարտի տրանսպորտային միջոցներ վարելը, ինչպես նաև անվտանգության գոտիները չամրակապած կամ սաղավարտը չկոճկած կամ առանց սաղավարտի ուղևոր փոխադրելը` առաջացնում են տուգանքի նշանակում` սահմանված նվազագույն աշխատավարձի հնգապատիկի չափով: